2003 साली स्थापन झालेला आमचा बालवाडी व प्राथमिक विभाग आज गुणवत्तापूर्ण शिक्षण, संस्कार आणि उज्ज्वल परंपरा यासाठी ओळखला जातो. गेल्या 22 वर्षांपासून विद्यार्थ्यांची प्रगती आणि पालकांचा विश्वास हेच आमच्या कार्याचे प्रेरणास्रोत आहेत.

​

प्रत्येक विद्यार्थ्यामध्ये असलेल्या कौशल्यांची जाणीव करून देणे, शिक्षणाची गोडी वाढविणे आणि आनंदी वातावरणात सर्वांगीण विकास घडविणे हा आमचा मुख्य उद्देश आहे. नियमित अध्यापनासोबत सण-उत्सव, विविध स्पर्धा, आंतरशालेय उपक्रम, तसेच मंथन परीक्षा, स्कॉलरशिप परीक्षा यांसारख्या शिष्यवृत्ती परीक्षा विद्यार्थ्यांची गुणवत्ता व आत्मविश्वास वाढविण्यासाठी आयोजित केल्या जातात.

​

ई-लर्निंग, इंटरॅक्टिव्ह बोर्ड यांसारख्या आधुनिक तंत्रसुविधा आणि तबलावादनासारखे उपक्रम विनामूल्य उपलब्ध करून देत आम्ही शिक्षण अधिक प्रभावी बनवत आहोत.

​

आज पावणे सातशे विद्यार्थी आमच्या विभागात शिक्षण घेत आहेत आणि पुढील वर्षी ही संख्या 1000 वर नेण्याचा आमचा संकल्प आहे. आपल्या मुलांच्या उज्ज्वल भविष्यासाठी आमचे संपूर्ण शिक्षकवर्ग मनोभावे कार्यरत आहे.

​

– मुख्याध्यापिका
प्राथमिक विभाग
दि डहाणू एज्युकेशन ट्रस्ट